Koronavirusi në Kosovë duket se nuk po kursen as krerët e lartë të politikës. Pas kreut të LDK-së, Isa Mustafa, edhe kreu i PDK-së Kadri Veseli ka rezultuar pozitiv me COVID-19
Lajmin e ka bërë të ditur vet Veseli përmes një postimi në rrjetet sociale, i cili tregon se është në gjendje të mirë shëndetësore dhe se do të qëndroj në vetizolim deri në shërim të plotë.
Postimi i plotë:
Të dashur qytetarë, pak çaste më parë u njoftova nga IKSHP se kam rezultuar pozitiv në testin e kryer për Sars-CoV-2.
Unë jam mirë me shëndet dhe deri në shërim të plotë do të qëndroj në vetizolim.
Ju ftoj të gjithëve që t’i respektoni masat, t’i vendosni maskat, të mbani distancën dhe higjienën!
