Ish-deputeti i Partisë Demokratike, Luçiano Boçi ka bërë publik njoftimin e Fakultetit të Drejtësisë, që u kërkon studentëve të paraqiten për provim ditën e hënë 30 minuta më herët.
Kjo kërkesë vjen pasi sipas njoftimit, pasi familjarët e disa studentëve janë me COVID-19 apo të karantinuar.
Në një postim në ‘Facebook’ Boçi shprehet se pavarësisht masave Fakulteti i Drejtësisë pranon përhapjen masive të COVID-19 dhe nuk heq dorë nga mbledhja në turma e studentëve apo në salla të mbyllura për provime.
Ish-deputeti ka fajësuar kryeministrin Edi Rama që sipas tij vështron kasaphanën e orientuar nga ai vetë, pasi do të kapë Universitetet dhe nuk u duhen jetët e studentëve.
Postimi i Luçiano Boçit:
KASAPHANË 2020
Ndërsa e gjithë bota i ka Universitetet në “online”, vetëm këtu tek ne vazhdohet t’i vendosin studentët në rresht, për t’i rrasur në provim.
Mesazhi i dalë nga Fakulteti i Drejtësisë, është i tmerrshëm.
Pranohet dhe argumentohet përhapja masive e virusit, por nuk hiqet dorë nga futja në turmë, në salla të mbyllura e studentëve dhe e pedagogëve!!!!
Gjithçka i ngjan një udhëtimi drejt ferrit.
Më fatlumët do kthehen shëndosh e mirë. Për të tjerët nuk dihet.
Dhe i gjithë ky ngulmim, për t’i çuar studentët në kasaphanë, lidhet me një qëllim.
Të quhen sikur u bënë zgjedhjet fiktive të 30 Korrikut!
Rama rri e vështron kasaphanën e orientuar nga ai vetë.
Atij i duhen me çdo kusht Universitetet, jo jetët e studentëve.
Kriminale dhe amorale!!!!./ka.ta/Fjala.al/
https://www.facebook.com/luciano.boci.5/posts/2666842480226255
