Mehdi Frashëri është kryeministri i 14-të në historinë e shtetit shqiptar. Ai është padyshim një nga personalitetet më të larta të politikës dhe kulturës shqiptare dhe me kontribut të jashtëzakonshëm në formimin e shtetit shqiptar. Gjatë pushtimit gjerman Mehdi Frashëri u thirr nga gjermanët nga Italia ku ishte internuar nga fashistët dhe u emërua regjent. Historiografia komuniste e ka etiketuar atë tradhëtar dhe ende kjo zyrtarisht nuk i është hequr. Por a duhet që edhe sot ne ta quajmë bashkëpunëtor Mehdi Frashërin? Gjatë emisionit HARD TALK NGA ROLAND QAFOKU studiuesi Marenglen Kasmi jep përgjigjen e prerë.
-A mund ta quajmë Mehdi Frashërin tradhëtar?
-Termi tradhëtar mendoj se nuk është termi i duhur. Sepse jemi në një kontekst kohor ku njerëzit veprojnë sipas atyre mendimeve apo prirjeve që ata kanë. Bashkëpunëtor patjetër.
-Bashkëpunëtor?
-Patjetër! Kur vendi pushtohet dhe ti vihesh në shërbim… Mehdi Frashëri për mendimin tim, do kishte bërë mirë të mos ta kishte dashur aq shumë Shqipërinë sa në moshën 74 vjeçare të kthehej për 14 muaj në Shqipëri./Fjala.al/Ke.Ba
https://www.youtube.com/watch?v=oASlJb1Bn8s
