Shqiptarët e Malit të Zi duket se po ndjekin të njëjtin shembull si shqiptarët e Luginës së Preshevës, pasi në zgjedhjet parlamentare të 30 gushtit do të garojnë me një listë të përbashkët.
Lajmin e ka bërë të ditur kryetar i partisë Forca e re Demokratike, Nazif Cungu i cili bën me dije se kanë nënshkruar sot marrëveshjen për të garuar së bashku.
Postimi i plotë:
Sapo nënshkruam marrëveshjen e koalicionit gjithpërfshirës për zgjedhjet parlamentare të 30 gushtit, mes Forcës së Re Demokratike, Alternativës Shqiptare, Lidhjes Demokratike Shqiptare, Unionit të Tuzit si dhe Lëvizjes Qytetare Perspektiva.
Ky bashkim i partive kryesore shqiptare të Malit të Zi, bëhet në interes të popullit tonë duke synuar maksimalizimin e votës shqiptare.
Shpreh mirënjohjen ndaj diasporës dhe aktorëve të tjerë politikë, që kanë këmbëngulur për të krijuar një listë të përbashkët elektorale që do të mundësoj një përfaqësim më të denjë e të plotë të popullit shqiptar në parlamentin e Malit të Zi.
/En.Br./Fjala.al
https://www.facebook.com/nazif.cungu/posts/2623559404640862
