Greqi/Shqiptari ngacmoi seksualisht avokaten, gjykata jep dënimin

113 563 lexime

77,487FansaPëlqeje

Një shqiptar është dënuar me kusht nga gjykata e Selanikut me tre muaj heqje lirie pasi ky i fundit kishte ngacmuar seksualisht një grua në moshë të re.

I pandehuri nuk e pranoi akuzën për ngjarjen e cila mendohet të ketë nodhur në 23 korrik.

Sipas padisë penale, 30 vjeçarja greke me profesion avokate gjendej në autobusin e linjës 19 të Selanikut ndërsa kryhej itinerari nga stacioni i ri i trenit në Kordelio. I ulur pranë saj ndodhej 67 vjeçari shqiptar, me profesion mësues.

“Qëndronte pranë meje dhe kishte një çantë mbi këmbët e tij. Ngadalë nisi të lëvizë dorën afër meje. Fillimisht po e shihja dhe me vete po thoja se nuk mund të ndodhë kjo. Dy a tri herë e shtyva me bërryl. Herën e katërt, vuri dorën mbi kofshën time të djathtë. Nisa të bërtas dhe i thashë shoferit të bllokojë dyert e autobusit”, deklaroi 30 vjeçarja, versionin e saj të ngjarjes.

Burri 67 vjeçar nga Shqipëria e mohoi akuzën. Ai tha se ditët e fundit kishte kryer një ndërhyrje në kataraktin e syrit dhe po dërgonte dokumentet shëndetësore në fabrikën ku punonte.

“Po përpiqesha të merrja ilaçin për ta hedhur në sy. Mundet që gabimisht të kem vënë dorën në këmbën e saj. Është vajzë e re dhe është turp për mua të ndodhë një gjë e tillë. Jam burrë i martuar, nuk bëj gjëra të tilla. Ndjesë”, u shpreh ai në sallën e gjyqit.

Në përfundim, gjykata vendosi ta konsiderojë fajtor 67 vjeçarin duke e dënuar me tre muaj heqje lirie me kusht që gjatë tri viteve të ardhshme të mos konsumojë asnjë vepër penale./Fjala.al/Ke.Ba 

 

Të fundit

Pandemia/ Sërish shifra të larta, konfirmohen 146 raste të reja në 24 orët e fundit

Për 24 orët e fundit Ministria e Shëndetësisë ka konfirmuar 146 raste të reja me COVID-19 dhe 6 viktima. vijon...

Ja çfarë thotë OBSH për raportin ushqim- Koronavirus

Organizata Botërore e  Shëndetësisë përpiqet të qetësojë të gjithë ata që janë të shqetësuar dhe mendojnë se koronavirusi mund të trzansmetohet nga ushqimi. Deklarata e...

“Për pak mish”/Shkelet moratoriumi, gjuetarët vrasin dhitë e egra

Prej vitesh në vendin tonë është vendosur një moratorium për mbrojtjen e kafshëve të egra në vendin tonë, të cilat po shkonin drejt zhdukjes....

Kaosi në pikat kufitare, reagon ministria e Jashtme: 330 testime në orë për COVID-19

Pas vendimit të autoriteteve greke për të kërkuar vetëizolim 7 ditor dhe çertifikatë të testit negativ për të gjithë shtetasit që kalojnë nga Shqipëria...

Durrës/ Shpëtohet nga policia 25-vjeçari që ishte duke u mbytur

Një 25-vjeçar, i cili ka rrrezikuar të mbytej në plazhin e Durrësit, është shpëtuar nga policia. Shërbimet e Patrullës së Përgjithshme, të cilët kryejnë patrullimin...

Lajme të tjera

Web TV