Një vendim i guximshëm që merret në një fazë delikate të një sezoni që padyshim nuk ka qenë normal në asgjë dhe kështu po vazhdon. Matia Binoto nuk do të jetë më drejtues i skuadrës së “Ferrari”-t. Pas 3 garave të para të Botërorit 2020 në Formula 1, dy makinat e kuqe, të Fetelit dhe Lëklerkut, janë në pozicione aspak komode në renditjen e përgjitshme. Ndaj drejtuesit e skuadrës italiane kanë vendosur të largojnë nga detyra Binoton.
Kështu pra, italiani nuk do të jetë më drejtor i ekipit të “Ferrari”-t. Me ristrukturimin e fundit në “Maranelo”, atij i hiqet e drejta për të qenë në departamentin teknik. “Ferrari” njoftoi se ka nisur ndërtimin e një strukture të re drejtuese, me qëllim, zhvillimin e dhe rritjen e paraqitjes. Ndryshimet tani nuk do ta lejojnë Binoton të merret drejtpërdrejt me aspektet teknike, por do të përqendrohet më mirë në sektorë të tjerë për të ndihmuar “Ferrari”-n.
“U desh ca kohë të organizohemi, e për të siguruar që departamenti teknik u ristrukturua”, – tha Binoto për ndryshimet e fundit brenda skuadrës së “Ferrari”-t. “Nuk është diçka që u bë brenda një dite, – ka vijuar ai. – Unë nuk do të bëj më punën e drejtorit teknik. E tani që ne kemi njerëz në rolin e duhur, duke pasur përgjegjësi dhe të aftë të bëjmë punën e duhur, atëherë çdo gjë do të shkojë më mirë për “Ferrari”-n. Pasi objektivat janë të qarta”.
Javën e kaluar, presidenti i Ferrarit, Xhon Elkan deklaroi mbështetjen e tij të plotë për punën që po bënte Binoto, pasi ai bëri të qartë se nuk priste që skuadra e tij të rikthehej te fitorja para vitit 2022. I pyetur se sa e vështirë ishte të heqësh dorë nga drejtimi teknik i ekipit, Binoto tha: “Unë mendoj se në fund të fundit je brenda një kompanie të tërë. Skuadra është e madhe, kështu që secili është mjaft i zënë për të bërë detyrat e tij, cilado qoftë ajo.
“Nuk ka kohë për të zgjedhur, duhet të bësh atë që të është caktuar”, – përfundoi italiani./Fjala.al
