Vazhdon të jetë shqetësuese situata e koronavirusit në Kosovë. Për 24 orët e fundit IKSHPK-ja ka konfirmuar 188 raste të reja pozitive me COVID-19 nga 462 teste të realizuara.
Rastet e reja janë nga: komuna Prishtinë 28 raste, komuna Ferizaj 21 raste, komuna Pejë 21 raste, komuna Podujevë 20 raste, komuna Mitrovicë 19 raste, komuna Gjilan 11 raste, komuna Fushë Kosovë 9 raste, komuna Gjakovë 9 raste, komuna Prizren 9 raste, komuna Vushtrri 8 raste, komuna Skenderaj 5 raste, komuna Deçan 4 raste, komuna Drenas 4 raste, komuna Lipjan 4 raste, komuna Viti 4 raste, komuna Klinë 3 raste, komuna Zubin Potok 3 raste, komuna Kamenicë 2 raste, komuna Rahovec 2 raste dhe me nga një rast komunat Obiliq dhe Shtime.
Numri total i të infektuarve me COVID-19 në Kosovë ka arritur në 10.247 persona.
Gjatë 24 orëve të fundit kanë ndërruar jetë dhe 12 pacientë të tjerë për shkak të COVID-19, duke e çuar në 327 numrin total të viktimave në vend.
Betejën me COVID-19 e kanë fituar dhe 142 pacientë të tjerë duke e çuar në 5.944 numrin total të të shëruarve, kurse numri i rasteve aktive është 3.976.
/En.Br./Fjala.al
