Ndërkohë që situata e COVID-19 në vendin tonë vazhdon të jetë shqetësuese, një lajm i mirë na i jep epidemiologu, Ilir Alimehmeti.
Në një postim në rrjetet sociale, ai ka publikuar studimin e Qendrës Kombëtare të Kancerit në SHBA, e cila ka testuar mjekimin akalabrutinibin në 19 pacientë në gjendje të rëndë.
Duke iu referuar studimit, pas 14 ditësh mjekim është vënë re përmirësim i oksigjenimit të tyre.
Postimi i plotë:
Lajme te mira miqtë e mi! Një tjetër mjekim tregohet shume premtues dhe mund te shtohet ne arsenalin e trajtimeve për pacientet me COVID-19 te rende. Mjekimi qe po testohet është akalabrutinibi, nje mjekim qe është përdorur me pare ne limfomat jo-Hogkin. Studiuesit e Qendrës Kombëtare te Kancerit, Bethesda (SHBA) kane testuar akalabrutinibin ne 19 paciente me COVID-19 ne gjendje te rende: 11 paciente ne oksigjenim suplementar (terapi intensive) 8 paciente te intubuar Pas një periudhe trajtimi 10-14 ditore u vu re: Akalabrutinibi e përmirësoi oksigjenimin, shpesh brenda 1-3 ditëve, dhe pa toksicitet te dallueshëm. Pas trajtimit me akalabrutinib, ne detaj: 8 nder 11 pacientet (72.7%) ne oksigjenim suplementar dolën nga terapia intensive dhe nuk kishin nevoje për oksigjenim.
4 nder 8 pacientet (50%) e intubuar, u ekstubuan.
2 nder 8 pacientet (25%) e intubuar, dolën nga terapia intensive dhe nuk kishin nevoje për oksigjenim. Këto te dhënat i hapin rrugën studimeve zyrtare klinike ndërkombëtare. Pas shume kohës kemi serish një tjetër mjekim nen testim, i cili nevojitet ne format e renda te COVID-19. Edhe pse kostoja e akalabrutinibit eshte e larta, duke qene se nevojitet vetëm për pacientet ne gjendje shume te rende, e bën trajtimin kosto/efektiv, nëse provat klinike dalin pozitive. Forca miq! Jepini kohe shkencës te zbuloje terapi gjithmonë e me te efektshme! Ndërkohe zbatoni rregullat e parandalimit: Distance fizike Higjiene e rregullt Maska nëse nuk ruhet dot distanca fizike.
/En.Br./Fjala.al
