Reshjet e shiut dhe vetëtimat që përfshinë mbrëmë kryeqytetin dhe disa qytete të vendit do vijojnë edhe ditën e sotme (dt. 19 gusht).
Territori shqiptar do të karakterizohet sot nga një mot me alternime kthjellimesh dhe vranësirash të cilat do të sjellin rrebeshe të izoluara, më të dukshme do të jenë në zonat malore. Por, sipas Meteoalb, orët e pasdites dhe në vijim do të përmirësojnë gradualisht kushtet atmosferike.
Temperaturat e ajrit do të ulen në mëngjes, por do të mbeten konstante në mesditë duke luhatur vlerat ditore nga 16°C deri në 36°C.
Era do fryjë mesatare në tokë dhe e fortë në det me shpejtësi 45 km/h nga drejtimi Veriperëndimor duke krijuar dallgëzim 4 ballë./En.Br./Fjala.al
