Epidemiologu i njohur, Vilson Topulli ka humbur betejën me Covid-19 pasditen e djeshme. Lajmin e ka bërë të ditur Shefja e Departamentit të Epidemiologjisë dhe Kontrollit të Sëmundjeve Infektive në ISHP, Silvia Bino. Përmes një postimi në rrjetet soicale, Bino shkruan se 73-vjecari luftoi për jetën deri në momentin e fundit.
Ajo shkruan se mjeku kishte filluar punë që prej moshës 19 vjec dhe ai ishte I palodhur për punën që bënte, gjithmonë aty për cdo nevojë.
Postimi i plotë:
Kjo pandemi na mori sot kolegun tone te palodhur Vilin , Vilson Topullin. Me Vilin jam njohur gjate epidemisë se Kolerës ne vitin 1994. Me pas punova përreth 16 vite me te. Vili ishte personi qe njihte çdo skute ne Shqipëri e njihte vendin dhe këdo qe punonte ne shëndet publik. Nje njeri i palodhur. Ishte historia dhe kujtesa e ISHP ku kishte filluar punën qysh 19 vjeç. Njeriu qe kishte punuar për kontrollin e Antraksit e njihte çdo gjë rreth tij, qe kishte punuar me çdo epidemi dhe kontroll te saj ne ISHP. Vili ishte kujtesa ku eksperienca reflektohej ne çdo veprim e pune tonën nga fushata e kontrollit te Fruthit dhe Rubeoles, punën për certifikimin e Shqiperise si vend pa polio, kontrollit te sa e sa shpërthimeve epidemike e fushatave vaksinimi te ndryshme. Vili qe planifikonte me kujdes dhe ruante çdo detaj ne fletore. Ne një nga shënimet qe shkruante gjeta: Po nisem urgjentisht ne Korçe me Tan Ulqinakun dhe me Irisin për një rast vdekjeje te një te riu 28 vjeç nga një pneumoni virale. Ishte i palodhur ishte ndihma e çdo epidemiologu te ri e te vjetër. Ishte epidemiolog i mirëfillte i terrenit. Nuk mund ta dinte se vite me pas nje pneumoni e tille do ti merte jetën. Te na falesh Vili qe nuk te mbrojtëm e nuk te shpëtuam dot. Te qofte i lehte dheu kolegu jone i mire. Ngushëllime femijeve te tu te mrekullueshëm Herionit qe u përpoq ne çdo çast këto jave dhe për te cilin ti ishe aq krenar, mbesave te bukura e nipit Mario qe i doje aq shume, dhe Lajles se dashur me te cilën ishe aq i lidhur e ajo me ty.
