Qyteti i Elbasanit është vënë së fundmi në qëndër të kronikës së zezë dhe nën vëzhgimin e policisë, lidhur kjo me ngjarjet e fundit kriminale që kanë tronditur qytetin.
Policia ka arritur të zbulojë “porsitësin” e dy vrasjeve të bujshme që kanë ndodhur në muajin korrik në Elbasan, vrasjen e Emiljano Ramazanit dhe Regis Runaj.
Është bërë i mundur identifikimi i personit që urdhëroi këto dy vrasje, bëhet fjalë për të njëjtën “dorë”, Erjon Alibej.
34-vjeçari, Erion Alibej ose i njohur ndryshe si Erion Krymi është vëllai i Indrit Alibej I ekzekutuar më parë.
Nga ana e policies së Elbasanit është bërë i mundur grumbullimi i fakteve dhe provave të cilat akuzojnë drejtë për së drejti si organizatorin e dy vrasjeve të sipërpërmendura.
Nga hetimet e kryera rezultoi se ky shtetas është organizatori dhe porositësi i dy vrasjeve të ndodhura më datë 20 korrik në qytetin e Elbasanit, në lagjen “28 Nëntori”, ku u vra me armë zjarri shtetasi Emiljano Ramazani dhe i vrasjes së ndodhur më datë 29.07.2020, në afërsi të varrezave të qytetit, ku mbeti i vrarë me armë të ftohtë shtetasi Regis Runaj.
Nga Sektori për Hetimin e Krimeve të Rënda në Drejtorinë Vendore të Policisë Elbasan, nën drejtimin e Prokurorisë pranë Gjykatës së Shkallës së Parë Elbasan, po hetohet për përfshirjen e këtij shtetasi në ngjarje të tjera të rënda kriminale të ndodhura kohët e fundit në Elbasan.”-thuhet në njoftimin e policisë. /Ra.My.Fjala.al/
