Prej disa ditësh është konfirmuar lajmi që pas ikjes së Xhemi Shehut spektaklin e humorit “Portokalli” do e prezantojë këngëtarja Eneda Tarifa.
Eneda në fakt nuk është pasardhësja e Xhemit sepse përpara disa vitesh të dyja kanë bashkëprezantuar këtë spektakël.
Eneda rikthehet pas 4 vitësh në këtë spektakël dhe si duket nuk e kishte harruar pasionin për të moderuar “Portokallinë”.
Largimi i Xhemi Shehut nga “Portokallia” është përfolur që në muajin korrik dhe në portale të ndryshme po diskutohet nëse largimi i moderators nga Portokallia do të thotë një largim i saj nga televizioni.
Të gjitha këto dyshime janë iniciuar nga vetë Xhemi ku në një video me Arbanën tha këtë deklaratë. Nuk dihet nëse ishte thjesht një shaka apo është një tërheqje me kohë të papërcaktuar.
Prezantuesi i “Portokallisë” Salsano Rrapi në emisionin “Rreze Drite” ku u përgjigj se me cilën nga moderatorët ka më shumë kimi u përgjigj:
Unë kam pasur tre periudha, kam qenë vetëm me Enedën, me të dyja dhe vetëm me Xhemin. Krahasimisht të dyja janë të mira, kimia ka qenë njësoj me të dyja. Duke qenë natyra të ndryshme femërore, kimia ime është e ndryshme me to. Eneda ka qenë më strikte, për shkak se erdhi nga një profesion që vetëm këndonte dhe moderimi ishte diçka e re, ndërsa Xhemi kishte eksperiencë të mëparshme. Fakti që unë vazhdoj të jem me Xhemin duket sikur kimia është me të. Në ndryshim nga Eneda, Xhemi batutën e ka në majë të gjuhës dhe kurrë nuk ngec! Meshkujve i pëlqejnë shumë të nëdrrojnë femrat, por Xhemi më rri ngjit.
Spektaki “Portokalli” pritet të nisë në tetor. “Portokalli” nisi jetën këtu e 17 vjet më parë dhe ishte program ku u investua dhe u bazua shumë ringritja e Top Channel. Aktorët dhe producentët e shihnin shumë të lidhur Portokallinë me emrin e themeluesit të TCH, Dritan Hoxha./Jo.Be/Fjala.al
