Pas përfundimit të mbledhjes me drejtorët e qarkut në Vlorë dhe Asamblenë e Partisë Socialiste, kryeministri Edi Rama u pyet nga gazetarët në lidhje me deklaratën e ambasadores së SHBA-së, Yuri Kim.
Dy ditë më parë, përmes një postimi në rrjetet sociale Kim i rikujtoi kryeministrit Rama dhe liderit të opozitës Lulzim Basha marrëveshjen e 5 qershorit, duke u thënë se Shtetet e Bashkuara do të mbështesin gjithmonë Shqipërinë, por pala përgjegjëse janë udhëheqësit.
Në kundërpërgjigje, Rama tha: ”Për ambasadorët flas kur jam me ta. Në Vlorë do flasim për ngrohje globale. Nejse Vlora është qendra e botës. Mos ta ulim nivelin e tyre në Vlorë.”
