Drejtori i Institutit të Shëndetit Publik në Maqedoninë e Veriut, Shaban Memeti i ka rekomanduar qeverisë që të heqë detyrimet e testeve për Covid-19 në kufi.
Sipas këtij raporti të bërë nga institucionet e shëndetësisë do të diskutohet në mbledhjen e parë të Qeverisë. Ndërkohë sipas Memeti heqja e testeve në kufi është në interes rajonal.
“Ne mendojmë se është interes rajonal dhe ndër shtetëror që testet PCR të hiqen. Shtete të caktuara kanë rritje ose ulje të caktuara të rasteve me Covid-19, ndërsa ne si vend kemi analiza për atë se çfarë mund të na presë. Nuk mendoj që do të jenë kundër heqjes së testeve PCR. Ne si vend duhet të kemi marrëveshje multilaterale ndërmjet shteteve. Por nëse nuk arrijmë diçka të tillë, neve duhet të bëjmë marrëveshje bilaterale me shtete të caktuara”– shtoi Memeti./Re.Gu/Fjala.al
