Kryeministri Edi Rama gjatë konferencës për mediat ka folur edhe për Ministrin e Jashtëm serb, Aleksandër Vulin, të cilin e cilësoi si një fatkeqësi natyrore. Gjithashtu Rama shtoi se Presidenti serb, Aleksandër Vuçiç duhet të kërkojë ndjesë për deklaratën e ministrit serb.
Po ashtu Rama duke folur për ministrin serb, thumboi dhe presidentin.
“Përsa i përket fatkeqësisë natyrore që zbulova se ndodhet në qeverinë e Serbisë, në trajtën e një ministri, unë them se vazhdoj pres që presidenti i Serbisë të kërkojë në emër të Republikës së Serbisë, ndjesë për atë fatkeqësi natyrore.
Ministria e Jashtme ka vijuar procesin, është thirrur apo do të thirret ambasadori serb për t’i vënë notë verbale shtetit serb, për t’iu bërë të qartë se asnjë gojë e shthurur nuk mund të lëndojë qeverinë e Shqipërisë apo figurën e një ministri apo të kryeministrit të Shqipërisë.
Se po qe puna për mua, këto lloj fatkeqësisht natyrore mua më stimulojnë dellin e polemikës dhe nuk i kam problem. Por më mjaftojnë fatkeqësitë natyrore që kemi këtu, në trajta presidentësh dhe ish. Këta edhe i mbaj, por një fatkeqësi në Serbi se mbaj dot, ta mbaj ai atje dhe të kërkojë ndjesë Shqipërisë.” tha Rama./Re.Gu/Fjala.al
