Presidenti Ilir Meta ka zhvilluar ditën e sotme një takim me zv/sekretaren e Departamentit Amerikan të Shtetit për Arsimin dhe Kulturën, znj.Maria Royce.
Nëpërmjet një statusi në facebook Meta u shpreh që duhet të synojmë që sa më shumë studentë shqiptarë të arsimohen e edukohen në SHBA.
“Vlerësova rëndësinë që ka vizita e saj për të konsoliduar e forcuar më tej marrëdhëniet tona në fushën e arsimit dhe të kulturës. Duhet të synojmë, që sa më shumë studentë shqiptarë të arsimohen e edukohen në SHBA, por njëkohësisht, edhe krijimin e kushteve që ata të kthehen në vendin e tyre, për t’u bërë liderët e ardhshëm të tij”, ka shkruar Meta në facebook.
Më tej Meta ka shkruar që bashkëpunimi në fushat e arsimit dhe të kulturës ndërmjet Shqipërisë dhe SHBA do t’i shërbejë së ardhmes të vendit tonë.
Pak më herët Maria Royce zhvilloi një takim me kryeministrin Rama./Jo.Be/Fjala.al
