Sekretari Organizativ dhe i Koordinimit Elektoral si dhe deputeti i Partisë Socialiste, Arben Pëllumbi do jetë i ftuar sot në orën 18.30 në emisionin “HARD TALK NGA ROLAND QAFOKU” në “FJALA TV”.
Një nga politikanët më të rëndësishëm të kësaj force politike do bëjë sot një analizë të situatës parazgjedhore.
Pëllumbi pritet të flasë për përgatitjet dhe organizimin e ri të Partisë Socialiste kur jemi 6 muaj përpara ditës së votimit por edhe objektivat e kësaj force politike.
Arben Pëllumbi, djali i Servet Pëllumbit, një nga figurat historike të Partisë Socialiste do ti përgjigjet edhe pyetjeve që kanë të bëjnë me përplasjet me presidentin e Republikës Ilir Meta por edhe për kritikat që i janë bërë qeverisjes së PS në këto 8 vjet dhe përse kjo forcë politike kërkon një mandat të tretë. Këto dhe të tjera ndiqni sot LIVE në 18.30 në “FJALA TV” në live stream, Facebook dhe Youtube. Një “Hard Talk” që nuk duhet të humbisni.
/Fjala.al/Ke.Ba
