Policia kufitare e Rinasit ka arrestuar dy persona pasi u përpoqën të korruptojnë punonjësit e aeroportit me qëllim për të kaluar kufirin.
Burimet zyrtare bëjnë me dije se dy qytetarë të identifikuar me inicialet A.M, 41-vjeç nga Tirana dhe Q.M 56-vjeç nga Divjaka, janë arrestuar pasi tentuan të korruptojnë punonjësit e Rinasit për të kaluar kufirin dhe pse nuk plotësonin kushtet.
I arrestuarit me iniciale A.M. i ka ofruar punonjësit të Policisë Kufitare 50 euro, ndërsa disa orë më vonë personi tjetër me iniciale Q. M., i cili donte të udhëtonte bashkë me bashkëshorten, i ka ofruar punonjësit të Policisë Kufitare 100 euro, me qëllim lejimin e kalimit.
Policia Kufitare apelon për të gjithë shtetasit që duan të udhëtojnë drejt vendeve të BE-së, që në rast se nuk plotësojnë kushtet për të lëvizur në hapësirën Schengen të mos ndërmarrin asnjë veprim të kundërligjshëm, pasi do përballen me ligjin./Re.Gu/Fjala.al
