27 persona humbën jetën dhe 804 të tjerë u plagosën si pasojë e tërmetit fatal që ka goditur ujërat e Seferihisar në qytetin e Izmirit në Turqisë.
Autoritetet vendase kanë bërë të ditur se pas tërmetit 7 ballësh në vend janë regjistruar 244 pasgoditje të vogla, 25 prej të cilave ishin mbi 4 ballë.
Operacionet e shpëtimit kanë vijuar dhe gjatë natës dhe janë ende duke vijuar. Bëhet me dije se aktualisht kërkimet janë përqendruar në 17 ndërtesa. AFAD njoftoi se tërmeti ndodhi në ora 14:51 sipas kohës lokale në një thellësi prej 16,54 kilometrash.
Yavuz Selim Köşger, guvernatori i Izmirit, tha se tërmeti shkaktoi një mini-cunami në qarkun bregdetar Seferhidar ku mbeti i plagosur një person.
Kujtojmë se mes personave të plagosur është dhe një 14-vjecar shqiptar nga Lezha i cili është dërguar me helikopter drejt spitalit të Athinës për të marrë ndihmën e nevojshme./R.G/Fjala.al
