Universiteti i Varshavës ka krijuar një aplikacion që mund të diagnostikojë koronavirusin pa patur nevojë që qytetarët të vizitohen nga mjekët.
COVID.Termini.app, është e para e llojit të saj në Poloni. Aplikacioni u krijua nga Qendra e Simulimit dhe Inovacionit Mjekësor të Universitetit (CSMI WUM) dhe firma Termini.
Sipas universitetit, aplikacioni është shumë i thjeshtë për t’u përdorur. Përdoruesit duhet të japin tre informacione: rezultatin e përqindjes së testit të oksimetrit të pulsit (i cili mund të matet me anë të aparaturës që vendoset në gisht), një vlerësim subjektiv të çdo gulçimi (në një shkallë nga një deri në 10) dhe temperaturën e trupit.
Përdoruesit duhet të sigurojë informacion në lidhje me numrin e frymëmarrjeve në minutë dhe rrahjet e zemrës. Aplikacioni bën të mundur që informacioni më pas të dërgohet automatikisht te një mjek ose ndihmësmjek. WUM tha se aplikacioni është tashmë i disponueshëm në internet dhe i gatshëm për përdorim.
Ai do të aktivizohet vetëm kur administratorët, të tilla si klinikat ose qeveritë lokale që kanë blerë një licencë për ta përdorur atë./Burimi: The First News/r.g/Fjala.al
