Ka bërë shumë bujë disa muaj më parë raporti i KLSH sipas të cilit në gjatë viteve të qeverisjes së Partisë Socialiste dëmi që i është shkaktuar shtetit, është 4 miliardë Euro. Por këtë shifër dhe këtë raport e ka hedhur poshtë deputeti i PS Alket Hyseni. Gjatë emisionit HARD TALK NGA ROLAND QAFOKU, Hyseni tha se ky raport jo vetëm që nuk është i saktë, por është thjesht një raport politik.
-Zoti Hyseni, dëmi ekonomik i përcaktuar nga KLSH ka arritur shifrën 4 miliardë euro në 6 vite qeverisje. Cili është komenti juaj?
-Është një raport i ngritur në ajër sepse konsideron dëm të ardhurat e munguara nga tatimet, doganat. Në gjykimin tim ka qenë një organ shumë i politizuar. Në fushatën e ardhshme do shikoni që titullari i atij institucioni do jetë titullar politik në qarkun e Vlorës.
-E kanë bërë ekspertët raportin, nuk e ka bërë Bujar Leskaj.
-Shifrat janë mure të ngritura me rërë. Janë shifra të cilat në një raport kontrolli të një organi homolog të Kontrollit të Shtetit, duhet të konsideroheshin shaka. Unë po them që nuk qëndrojnë, patjetër që ka probleme. Ajo shifër është flluskë sapuni, kaq di të them unë./Fjala.al/Ke.Ba
