Një tjetër mjek i njohur është infektuar me koronavirus. Mësohet se është prekur mjeku anestezist Mihal Kerci, i cili është në gjendje kritike për jetën. Lajmin e ka bërë të ditur Shoqata e Anestezistëve dhe Reanimatorëve të Shqipërisë.
Në njoftim thuhet se Kerci është nën asistencë respiratore maksimale, ndërsa bluzat e bardha janë në mbështetje të ekipit mjekësor që po i shërben me profesionalizëm dhe përkushtim maksimal.
“Prej disa ditësh prof.Mihal Kerci është nën asistencë respiratore maksimale në gjendje kritike për jetën. Jemi të gjithë në mbështetje të ekipit mjekësor që po i shërben me profesionalizëm dhe përkushtim maksimal.
Lutemi të gjithë për shëndetin e të palodhurit, organizatorit dhe drejtuesit të jashtëzakonshëm, kryetarit të shoqatës sonë! Me shpresën për ta kaluar situatën e vështirë, i urojme prof. Mishes rikuperim dhe shërim të shpejtë!”, thuhet në njoftim./Bl.Ba/Fjala.al
https://www.facebook.com/permalink.php?story_fbid=850549982348346&id=145765276160157
