Deputetja e Partisë Socialiste Klotilda Ferhati deklaron se vrasja e të riut Klodian Rasha nga një polic nuk mund të njollosë të gjithë Policinë e Shtetit. Gjatë emisionit HARD TALK NGA ROLAND QAFOKU Ferhati deklaroi se kjo është një ngjarje që nuk e dënon të gjithë këtë strukturë.
-Zonja Ferhati, a nuk mund të ishte menaxhuar më mirë situata që u krijua para ditët e fundit nga protestat për vrasjen e 25-vjeçarit Klodian Rasha?
-Unë besoj se për ngjarjen ku një i ri humbi jetën nga arma e një efektivi të Policisë së Shtetit, është një ngjarje që na ka lënduar, na ka zemëruar të gjithëve, dhe sigurisht besoj se biem të gjithë dakord që incidente të tilla të papranueshme duhet patjetër të hetohen deri në fund, të dalin përgjegjësitë para ligjit, por nuk mund të merren si raste të cilat njollosin Policinë e Shtetit. Pra, ky është një gabim, një ngjarje e pazakontë, një ngjarje që duhet hetuar dhe dënuar deri në fund, dhe duhet parë si rast i shkëputur nga gjithë mënyra se si funksionon gjithë aparati i Policisë së Shtetit. /Fjala.al/Ke.Ba
