Akuzave të opozitëse cila fajëson qeverinë për situatën e krijuar prej motit të keq, kryeministri Edi Rama ka zgjedhur t’u përgjigjet me ironi kundrejt liderëve opozitarë, teksa ka publikuar pamje të një autostrade në Spanjë e cila po ashtu është bllokuar si pasojë e reshjeve të borës.
Teksa ka publikuar këtë video ku shihet autostrada A2 në Spanjë, e cila është e bllokuar nga reshjet e dendura të dëborës, Rama shkruan se PD po bën apel për të ndihmuar me kripë, ndërsa LSI po hedh “fall”.
“AUTOSTRADA A2 NË SPANJË – APEL PËR NDIHMË NGA PD PËR KRIPË, LSI PËR FALL, ANDI BUSHATI PËR ANALIZË”, SHKRUAN RAMA KRAH VIDEOS.
Rama nuk ka lënë pa ironizuar edhe analistin Andi Bushati, i cili ditën e djeshme kritikoi qeverinë pasi mbeti i bllokuar në rrugë për shkak të dëborës.
Që prej ditës së djeshme në disa zona në vendin tonë ka prezencë të madhe të ngricave, ndërsa akset nacionale janë të kalueshme vetëm me zinxhirë. Problematikat më të theksuara janë në Lezhë, sidomos në aksin Lezhë-Milot duke bërë që me qindra qytetarët të kalojnë natën në makinat e tyre, pasi kanë mbetur të bllokuar prej ditës së djeshme për shkaka të stuhisë së dëborës që mbuloi zonën.
Ndërkohë dhjetëra qytetarë janë bllokuar në doganën e Qafë-Thanës prej më shumë se 8 orë, si pasojë e situatës së krijuar për shkak të kushteve të vështira të motit.
View this post on Instagram