Policia e Tiranës ka vënë në pranga dy persona, një për plagosje dhe një tjetër që ishte në kërkim për “Ngacmim seksual”.
Një 45 vjeçar është arrestuar në flagrancë pasi, pas një sherri ka goditur me thikë një person tjetër.
“Specialistët për Hetimin e Krimit në Komisariatin e Policisë Nr.4 bënë arrestimin në flagrancë të shtetasit E. K., 45 vjeç, pasi për motive të dobëta ka goditur me sende të forta dhe me një mjet prerës (thikë) shtetasin R.M.”, njofton policia.
Gjithashtu, në prangat e policisë ka rënë edhe një 54-vjeçar I dënuar me 3 vjet burg për “Ngacmim seksual”.
“Nga specialistët për Hetimin e Krimit në Komisariatin e Policisë Nr.1 u ndalua shtetasi në kërkim Rexhep Karaj., 54 vjeç, ( i kapur nga Seksioni i kërkimit) sepse Gjykata e Shkallës së Parë Tiranë, e ka dënuar me 3 vjet burgim, për veprën penale “Ngacmim seksual””, bën me dije policia.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme./Gazeta SHQIP
