Shefja e Departamentit të Epidemiologjisë pranë ISHP-së, Silva Bino referuar një studimi të kryer në Angli tregon se ata persona të cilët kanë marrë një dozë të vaksinës AstraZeneca janë 80% më pak të rrezikuar të humbin jetën nga Covid krahasuar me ata të cilët ende nuk janë vaksinuar.
Ndërsa pas dozës së dytë Bino shton se individët që kanë marrë dhe dozën e dytë të vaksinës Pfizer janë deri në 97% të mbrojtur.
“Një analizë e Agjensisë të Shëndetit Publik në Angli tregon për herë të parë që individët që kanë marrë një dozë të vaksinës AstraZeneca kanë 80% më pak rrezik të humbin jetën nga Covid-19 të krahasuar me ata që nuk janë vaksinuar. Gjithashtu në raportin tregon e që mbrojtja ndaj vdekjes rritet nga 80% në 97% pas dozës së dytë të vaksinës Pfizer”, shkruan Bino në postimin e saj.
Kujtojmë se ditën e djeshme dhjetra qytetarë mbi 60-vjeç morën dozën e parë të vaksinës AstraZeneca pranë stendave të ngritura në “Sheshin Skëndërbej”
