Argjentina ka kaluar në finale të Kupës së Amerikës, pasi arriti të eliminonte Kolumbinë përmes penalltive, me kohën e rregullt që përfundoi 1-1.
Pas vetëm shtatë minutash lojë, argjentinasit kaluan në epërsi me anë të Lautaro Martinez që u asistua nga Lionel Messi.
Ishte minuta e 37-të kur erdhi shansi i parë për Kolumbinë, mirëpo atë e shpërdoroi Wilmar Barrios.
Në 45 minutat e dyta, ishin kolumbianët që e filluan më mirë. Momenti më i mirë për Kolumbinë erdhi në minutën e 61, kur Luis Diaz arriti të tunde rrjetën e Argjentinës me sukses, për t’i barazuar shifrat në 1-1.
Ndeshja më pas shkoi direkt në gjuajtjen e penalltive.
Argjentina ishte më e saktë nga 11-metrshat, pasi realizuan tre, në dallim nga Kolumbia me dy.