Hysaj, një lamtumirë emocionuese nga Napoli: Kur shkon te Napoli qan dy herë, kur mbërrin dhe pasi largohesh

113 563 lexime

106,048FansaPëlqeje

Elseid Hysaj mbyll një epokë pozitive me Napolin dhe fillon një tjetër në kryeqytet. Mbrojtësi ynë i kombëtares kaloi dje vizitat mjekësore te Lazio dhe nisi stërvitjen me të, pasi ka nënshkruar një kontratë 4+1 vjeçare me bardhekaltrit. Shkodrani kuqezi ritakohet me mentorin e vet, Maurizio Sarri. Megjithatë, nuk mund ta kthente fletën pa falënderuar të shkuarën e afërt napoletane, sepse bëhet fjalë për 6 vite, që e bënë të njohur në Serie A. Përmes rrjeteve sociale, Hysaj shkruan:

“Napoli, pas 6 vitesh erdhi momenti për t’u përshëndetur. Nuk mjafton një shkrim për t’i falënderuar të gjithë, por dua ta nis nga shokët e skuadrës. Më pas klubi, magazinierët, i madhi Tommaso, fizioterapistët dhe të gjithë profesionistët e tjerë. Falënderoj edhe njerëzit që kam njohur gjatë kësaj periudhe, të cilët kanë qenë të gjithë të mrekullueshëm dhe më kanë ndihmuar në rrugëtimin tim.

Një falënderim i veçantë shkon për tifozët dhe qytetin, që e bënë familjen time të ndihet si në shtëpi. Jeni qytet dhe tifozë specialë, iu jepni shumë atyre që veshin fanellën e Napolit. Dua t’u them që ka qenë nder për mua të vishja këtë fanellë. Kam dhënë shpirtin përgjatë 6 viteve radhazi, kam djersitur fanellën dhe jam përpjekur ta nderoj fanellën unike.

Më vjen keq që golin tim nuk e festova në një stadium të mbushur plot. Kjo nuk është një lamtumirë, por thjesht një mirupafshim. Siç thotë edhe shprehja e famshme: kur shkon te Napoli qan dy herë; kur mbërrin aty dhe pasi largohesh. Është plotësisht e vërtetë, kështu që do t’ju mbaj gjithmonë në zemrën time“.

Të fundit

Hysaj, një lamtumirë emocionuese nga Napoli: Kur shkon te Napoli qan dy herë, kur mbërrin dhe pasi largohesh

Elseid Hysaj mbyll një epokë pozitive me Napolin dhe fillon një tjetër në kryeqytet. Mbrojtësi ynë i kombëtares kaloi...

Situata e COVID-19/ Ministria e Shëndetësisë: Asnjë humbje jete dhe 7 raste të reja në 24 orët e fundit

Ministria e Shëndetësisë dhe Mbrojtjes Sociale ju bën apel qytetarëve, që të vijojnë të zbatojnë me përpikmëri rregullat për parandalimin e COVID19 dhe të...

Durrës/ Vijoi muzikën në lokal pas orës policore, precedim penal dhe gjobë për reperin Noizy (Video)

Policia e Shtetit i ka shtrirë kontrollet në të gjithë territorin bregdetar të vendit. Mbrëmjen e djeshme, gjatë kontrolleve, uniformat blu, kanë konstatuar 2 subjekte...

“Si do ja bësh me këtë ligjin e ri pa filtra?”/ Fjoralba Ponari i përgjigjet ndjekësit me këtë foto

Para disa ditësh Norvegjia vendosi një ligj për publikimin e fotove të modifikuara në rrjete sociale. Në bazë të ligjit çdo influencer që përfiton para...

Ministri Ahmetaj inspekton punimet në Thumanë: Brenda 4 muajsh do të jenë gati 14 pallate dhe 278 apartamente

Ministri i Shtetit për Rindërtim Arben Ahmetaj inspektoi sot ecurinë e punimeve në qytezën e re që po ndërtohet në Thumanë. Ndalesa e parë e...

Lajme të tjera

Web TV