Dy imazhe kongresesh, dy mentalitete

113 563 lexime

124,178FansaPëlqeje

Nga Plator Nesturi

Dy të mëdhejtë e zhvilluan nga një kongres pas zgjedhor. Së pari PS dhe një muaj më pas PD e Bashës. Porse nga të dyja këto kuvende dhe për gjithçka u tha në to mund të konfondohesh kollaj aq sa bëhet e paqartë se kush i ka fituar zgjedhjet e 25 prillit. Duke vërejtur fjalimet e kongresit të fundjavës së PD, ndërsa dëgjoje Bashën të shprehej se “zgjedhjet u fituan nga PD”, apo Bardhin se “ Elbasani votoi për PD”, e kështu më rradhë çdo drejtues rajonal se për çdo qark PD kish bërë namin në vota, të krijohej përshtypja se ky ishte një kuvend festiv dhe ku po celebrohej fitorja e thellë ndaj kundërshtarit të rrezikshëm të PS. Aq e thekshme dhe e pa të metë ish kjo fitore sa mund të kishe luksin të merreshe dhe me LSI, ashtu siç bëri Spaho ndërsa e kritikoi aletatin e tyre për rezultat të dobët në Korçë.

E gjitha kjo binte ndesh me atë që përcolllli në imazh Kongresi i PS përpara një muaji. Ovacionet ishin të përmbajtuara, iu shtri dora opozitës thua se në rezultat pas zgjedhor maxhoranca varej nga vullneti i Bashës, dhe së fundmi iu hap krahu drejtësisë për të bërë punën e saj ndaj çdo të korruptuari apo abuzuesi me pushtetin, qoftë ky edhe socialist për të cilin nuk do të kish mbështetje politike. Gjithçka ish e përmbajtur, që nga ovacionet mburrëse dhe sfiduese, për t’u zëvendësuar me peshën e përgjegjësisë të një mandati krejt të ndryshëm. Nga gjithë ky krahasim që përcollën organet më të larta drejtuese të dy partive kryesore në vend, rezulton diçka që bien në sy qartësisht, që në politikën shqiptare tashmë evidentohen dy mentalitete dukshëm të ndryshme e pa kohezion me njëra tjetrën. Të paktën deri për tani, fatkeqësisht. Një qasje më moderne dhe që mesa duket kjo e evidenton më mirë në sytë e elektoratit për sa herë ka betejë zgjdhore, dhe një tjetër që mbetet e mykur si vjetërsirë dhe që natyrisht nuk mund të përcjellë besim tek qytetari sa herë bëhen betejat elektorale. Ndaj, me këtë koncepst arkaik për të mos parë tek vetja për t’u vetërregulluar por që çdo dështim është për faj të kundërshtarit, vështirë të presësh një ndryshim për mirë. Një ndryshim së pari për vetë PD, dhe së dyti për vendin dhe kontributin që mund të japë ajo në kushtet e një bashkupunimi të një opozite moderne.

Lexo edhe :  10 arsye përse Georgia Meloni e Italisë nuk ngjason me asgjë në Shqipëri

Gjithçka ishte brohoritëse në Kuvendin e PD, që nga hyrja Berishës dhe ovacionet për të, deri te optimizmi që përconte Basha për të ardhmen. Optimizëm që mbetet i pashuar nga humbja në humbje. Optimizëm, që tashmë me statut, u hoqën reminishencat e fundit se mund të ikte nga detyra e kryetarit nëse humb sërish zgjedhjet. Mesa duket këtë skenë do e shohim sërish pas 4 vjetësh. Nëse asgjë nuk ndryshon.


Të fundit

“Dhjetë vjet kemi pritur ”, dramat e familjeve të lëna pas nga shqiptarët e vrarë në Siri

Kalvari i Salushe Seferit nisi në vitin 2013, kur vajza e saj, Ruzhdie Balliu, u largua nga Shqipëria për...

Salianji “ironi” me Bashën: Deri tani e ka mbajtur dikush nga ne rekordin në matematikë

Deputeti i PD-së, Ervin Salianji ka tallur Lulzim Bashën lidhur me gabimet që ai bënte në matematikë. Për Salianjin, të njëjtën gjë bëri edhe...

Arrestohen 5 “skifterët” në Kamëz, vodhën dy lopë në Universitetin Bujqësor të Tiranë

Pesë të rinj kanë rënë në prangat e policisë së Kamzës, pasi kanë vjedhur dy lopë në Universitetin Bujqësor të Tiranës. Bëhet me dije se...

Replika në Kuvend/ Çuçi i përgjigjet Salianjit: Kemi përgjysmuar vrasjet me dashje

Deputeti demokrat, Ervin Salianji ka thirrur në interpelancë ministrin e Brendshëm, Blendi Çuçi. Ai e ka pyetur lidhur me aksionin e qeverisë për ndërtimet...

Supermiliarderët po përgatiten për “apokalipsin”, kanë porositur rezidenca nëntokësore

Një firmë zvicerane që furnizon rezidenca të fortifikuara nëntokësore ka zbuluar bunkerët e saj të rinj L’Heritage – për individët me pasuri jashtëzakonisht të...

Lajme të tjera

Web TV