U-19/ Miqësorja me Italinë, nis grumbullimi për ndeshjen e luksit

113 563 lexime

106,048FansaPëlqeje

Padyshim që është një ndeshje luksi për ekipin e Futbollit U19 në vend në përballjen me përfaqësuesen italiane. Këtë të premte do të nisë grumbullimin në kuadër të ndeshjes miqësore që kuqezinjtë do të zhvillojnë kundër Italisë U-19.  Takimi do të zhvillohet në Koverçano të Italisë, më 13 gusht dhe do të nisë në ora 11:00. Ditën e djeshme, trajneri Cungu ka shpallur edhe listën me 20 lojtarët e afruar për këtë ndeshje, të cilët luajnë në kampionatin shqiptar dhe atë europian. Tekniku shqiptar ka zhvilluar disa herë seleksionime dhe grumbullime gjatë këtij viti, si edhe disa ndeshje miqësore, ku ka testuar gjendjen e skuadrës së tij.  Në një prononcim për fshf.org, ai shprehet se kjo miqësore do të jetë një mundësi shumë e mirë, për të parë më nga afër elementet që luajnë jashtë Shqipërisë, duke theksuar se stafi është ende në fazën e vëzhgimit dhe seleksionimit të lojtarëve dhe ende nuk ka krijuar një ide përfundimtare mbi grupin që do të përfaqësojë Shqipërinë në kualifikueset e Kampionatit Europian 2022, me kuqezinjtë që janë shortuar në Grupin 7 së bashku me Francën, Serbinë dhe Maqedoninë e Veriut me ndeshjet që do të luhen në Shqipëri në datat, 10, 13 dhe 16 nëntor. “Vijmë pas një periudhe të vështirë për shkak të pandemisë, duket sikur gjërat po normalizohen tashmë. Kemi zhvilluar disa sfida miqësore, por përballë kësaj radhe do të kemi një ekip prestigjioz dhe me shumë vlera, siç është Italia. Gjithashtu edhe seleksionimet dhe grumbullimet përgjatë këtij viti i kanë shërbyer jo vetëm skuadrës, por edhe mua si trajner për të krijuar një ide më të qartë me lojtarët që aktivizohen këtu në Shqipëri. Kemi pasur gjithashtu mundësinë për të parë nga afër në miqësoret që zhvilluam ndaj Kosovës edhe kontigjentin e lojtarëve që na vijnë nga jashtë dhe kjo sfidë do të jetë si një vazhdim i atyre miqësoreve, për të parë elementët që luajnë jashtë Shqipërisë. Ende jemi në fazën e vëzhgimit dhe seleksionimit të lojtarëve, megjithatë ne do të japim dhe do t’i marrim maksimumin kësaj ndeshjeje– shprehet Cungu për fshf.org.

Lexo edhe :  Braçe iu kërkon ndjesë banorëve të Fierit: Merr fund ferri 70-vjeçar i plehrave

 


Të fundit

U-19/ Miqësorja me Italinë, nis grumbullimi për ndeshjen e luksit

Padyshim që është një ndeshje luksi për ekipin e Futbollit U19 në vend në përballjen me përfaqësuesen italiane. Këtë...

Lojrat Olimpike/ Rekord i ri botëror në 400 metra me pengesa, e vendos një norvegjez!

Pas rekordit botëror që vendosi ditën e dielë te femrat në garën e kërcimit trehapësh 25-vjecarja nga Venezuela Yulimar Rojas, e cila kërceu 15,67...

Rama falenderim forcave ushtarake: Po përballen me përkushtim të lartë e profesionalizëm me vatrat agresive të zjarrit

Kryeministri Edi Rama e ka nisur ditën me një falënderim për heronjtë e forcave Ushtarake e Civile. Rama thotë se ata po përballen me përkushtim...

Gusht 1944/ Kryengritja për çlirimin e Varshavës, pse u tradhëtua nga sovjetikët

Në 1944, Polonia ishte pushtuar nga Gjermania naziste për gati pesë vjet. Rezistenca polake planifikoi një formë rebelimi kundër forcave gjermane. Gjermania po luftonte...

Stuart Edward Mann, puna e palodhur e albanologut britanik

Studjuesi, leksikografi dhe historiani i gjuhës dhe letërsisë shqipe Stuart Edward Mann lindi më 11 qershor 1905 në një familje qytetare në Lenton, Nottinghamshire,...

Lajme të tjera

Web TV