Rama: Evropianët e njohin luftën vetëm përmes Netflix-it, ndërsa për shqiptarët gjithçka ishte shumë reale

113 563 lexime

106,048FansaPëlqeje

Kryeministri i vendit, Edi Rama në një intervistë për “The Sunday Times” është shprehur se shqiptarët ishin afganët 30 vite më parë, ndërsa u përpoqën t’i shpëtonin regjimit të asaj kohe.

Sipas tij, evropianët e njohin luftën vetëm përmes Netflix-it, kurse për shqiptarët gjithçka ishte shumë reale.

Ai është shprehur se është shumë e vështirë për të larguar afganët dhe qytetarë të tjerë nga Afganistani.

“Duket se nuk ka një koordinues atje, nuk ka një qendër të përbashkët operacionesh, nuk ka asgjë, vetëm secili për veten ”, tha kryeministri Rama.

“Shumë shtete po kërkojnë një pikë kontakti të përbashkët, e lëre më organizatat humanitare që nuk e dinë kujt t’i drejtohen.”

“Ende nuk ka asnjë mënyrë për t’i kaluar njerëzit nëpër porta nëse nuk jeni një shtet i madh, madje edhe për shtetet e mëdha duket mjaft e çrregullt”, tha Rama.

“Kjo është arsyeja pse të gjitha organizatat janë të bllokuara. Shtetet e mesme ose të vogla nuk janë në gjendje të evakuojnë njerëzit siç ishte planifikuar.”

Shqipëria, së bashku me Maqedoninë e Veriut dhe Kosovën, ranë dakord këtë muaj për të marrë mijëra refugjatë afganë ndërsa ato vlerësohen për rivendosje në SHBA.

Rama tha se ndjeu që ishte përgjegjësia e tij për t’i strehuar.

“Ndryshe nga shumë vende të tjera evropiane“, tha ai, “për shqiptarët konflikti, uria dhe shpërngulja ishin përvojë në kujtesë.”

“Për ne, lufta ka qenë shumë e vërtetë. Ne kemi pasur luftë në derën tonë. Ne kemi parë njerëz të vrarë dhe kemi pasur njerëz që njohim që janë vrarë.”

Për dekada, nën sundimin e diktatorit Enver Hoxha, shqiptarët iu nënshtruan një represioni brutal, vendi u bë më i varfri dhe më i izoluari në Evropë. Kur regjimi komunist ra në 1990, pesë vite pas vdekjes së Hoxhës, vendi u kap nga valët e trazirave dhe dhunës.

Lexo edhe :  Covid-19/ Rritet numri i viktimave dhe i rasteve të reja në Shqipëri

“Për ne është shumë e qartë”, tha Rama. “Ne kemi qenë afganë tre dekada më parë kur ikëm nga ferri ynë”.

“Pra, tani ata janë shqiptarët e 30 viteve më parë dhe ne duhet të jemi atje si të tjerët për ne”, shtoi ai.


Të fundit

Rama: Evropianët e njohin luftën vetëm përmes Netflix-it, ndërsa për shqiptarët gjithçka ishte shumë reale

Kryeministri i vendit, Edi Rama në një intervistë për “The Sunday Times” është shprehur se shqiptarët ishin afganët 30...

Zbulohet kush janë dy turistët që u mbytën në Spille (Emrat)

Dy turistët nga Maqedonia e Veriut, të cilët prej 6 vitesh kishin zgjedhur plazhin e Spillesë për të pushuar, janë mbytur sot në det. Ato...

Makina bie në kanalin vaditës në Fier, humbin jetën dy persona

Policia e Fierit ka dhënë një informacion zyrtar në lidhje me ngjarjen e rëndë që ndodhi sot në Marinzë, ku një automjet përfundoi në...

“S’më foli kurrë për politikë apo për komunizmin”, rrëfimi i Vedat Kokonës: 10 javët në një dhomë me Enver Hoxhën

Një nga intelektualët më në zë të viteve ’30-’40, poet, kritik, përkthyes, botues, pedagog.. do të duhej të mbyllej në guaskën e tij, gjatë...

Shisnin drogë në zonën e Palasës, arrestohen dy të rinjtë (Emrat)

Goditet një rast i shpërndarjes së drogave të forta në doza të vogla në Palasë, ndërsa në pranga kanë rënë dy persona. Burime zyrtare nga...

Lajme të tjera

Web TV