Vdiq nga Covid, Hai Shaulian, një nga organizatorët më të njohur të protestave në Izrael kundër pasaportave të gjelbra, maskave dhe vaksinave. 57-vjeçari kohët e fundit kishte postuar një fotografi të tij në Facebook të bërë në spitalin Holon, ku ishte i lidhur me ventilatorin e mushkërive.
“Mos u dorëzoni, shteti përdor metoda shtrënguese kriminale me ne. Ata duan të më fshijnë”, thuhet në mbishkrimin e imazhit. Deri në momentin e fundit, Shaulian u bëri thirrje ndjekësve të tij që të vazhdojnë kundërshtimin e tyre ndaj masave kundër Covid. Mesazhi i fundit – Në postimin e publikuar në rrjetet sociale shkroi:
“Të dashur miq, gjendja ime është jashtëzakonisht kritike, nuk mund të flas ose t’u përgjigjem njerëzve. Nuk kam oksigjen dhe nuk mund ta stabilizoj veten. U zgjova këtë mëngjes me njomje, i lagur sikur dikush të kishte hedhur disa kova me ujë. M’u desh rreth një orë për të kuptuar se kush jam, ku jam dhe çfarë po bëj këtu. Mungesa e oksigjenit është një gjë e tmerrshme”.
Shaulian më pas shtoi dozën, duke thënë, “Pasaporta e Gjelbër nuk do të futet në Izrael. Nuk ka të bëjë me koronavirusin dhe nuk ka të bëjë me vaksinat, por ka të bëjë me detyrimin, luftën”.
