Porsche 911 Carrera 3.0 RSR Iroc u ndërtua për “Garën Ndërkombëtare të Kampionëve” dhe u drejtua nga kampioni i F1, Fittipaldi. Pas kësaj, ajo përfundoi në duart e bosave të drogës kolumbiane që e kishin transformuar totalisht atë. E rizbuluar dhe restauruar, ajo u rishfaq në SHBA
Askush nuk e bleu, kështu ankandi ishte edhe një herë një ‘vrimë në ujë’. Porsche e “mallkuar” nuk gjeti blerës. Me siguri për famën e keqe që e shoqëron, pasi ka qenë në garazhin e Pablo Escobar dhe narkotikëve të përgjakshëm që shqetësuan Kolumbinë.
Megjithatë është një model shumë i rrallë (vetëm pesëmbëdhjetë të këtij lloji u ndërtuan) dhe ka një origjinë garash të një cilësie të lartë. Përpjekja e fundit për ta gjetur pronarë nga siti i specializuar “Collecting Car” nuk pati sukses pasi çmimi minimal i ankandit nuk u arrit,ndërsa ofertat ishin rreth 850,000 dollarë.
Tashmë, këtë vit, një tjetër shtëpi ankandi e kishte vënë atë në treg për 2.2 milion, por sërish pa sukses. Megjithatë, para se t’i përkiste trafikantit të kokainës, kjo Porsche drejtohej nga kampioni dy herë botëror i F1, Emerson Fittipaldi dhe modelet e ngjashme të saj kanë çmime shumë të larta.
