Shqipëria, Bullgaria dhe RMV nënshkruajnë memorandumin për Korridorin 8, Balluku: Do i shërbejë gjithë Ballkanit Perëndimor

113 563 lexime

106,048FansaPëlqeje

Në Sofje të Bullgarisë u nënshkrua sot memorandumi trepalësh mes Shqipërisë, Bullgarisë dhe Maqedonisë së Veriut për sa i takon Korridorit 8, një hap i rëndësishëm i bashkëpunimit mes tri vendeve, për një ndër projektet më të rëndësishme për zhvillimin e Ballkanit Perëndimor.

Ministrja e Infrastrukturës dhe Energjisë, Belinda Balluku bëri të ditur se nënshkrimi i memorandumit për transportin e qëndrueshëm në korridorin e 8-të është një hap i rëndësishëm i bashkëpunimit midis Maqedonisë së Veriut, Shqipërisë dhe Bullgarisë.

Sipas saj e rëndësishme është bashkëpunimi trepalësh si një mënyrë për të ndikuar në investimet financiare evropiane në mbështetje të këtyre projekteve.

“Prej kohësh ne kemi punuar për të plotësuar të gjithë komponentët e këtij korridori, si një nga korridoret më të rëndësishme për zhvillimin e Ballkanit Perëndimor. Tashmë me të gjitha projektet që kemi nisur si në fushën e hekurudhave, ashtu edhe në atë të rrugëve, por padyshim edhe porti i ri i Durrësit na japin sigurinë se zhvillimi infrastrukturor do të jetë një sukses në të ardhmen”, tha ministrja Balluku.

Ministrja tha se me homologët e dy vendeve të tjera kishte diskutuar lidhur me hapat në të ardhmen.

Kemi rënë dakord që një axhendë e përbashkët për të promovuar korridorin e 8-të si një nga korridoret më të rëndësishme të zhvillimit ekonomik jo vetëm për vendet tona, por edhe për vendet e tjera të rajonit është një domosdoshmëri për axhendat e të tre ministrive të infrastrukturës në të ardhmen”, tha Balluku.

Ajo e vlerësoi të rëndësishëm bashkëpunimin edhe sa i përket sigurimit të mbështetjes financiare nga institucionet financiare europiane.

Kemi folur për detaje, kemi dakordësuar sesi së bashku mund të ndikojmë institucionet europiane financiare për mbështetjen e projekteve tona, sidomos atë të hekurudhave, si një nga mënyrat e transportit më eficiente bazuar dhe në axhendën e investimeve të Bashkimit Europian. Kështu që së shpejti ne do të kemi një takim tjetër edhe në Maqedoninë e Veriut, por edhe në Tiranë për të vazhduar më tej me të gjitha hapat për realizimin e këtij projekti të madh i cili do të ndryshonte jetën e qytetarëve në të gjithë Ballkanin Perëndimor”, deklaroi Balluku.

Lexo edhe :  Nesër nis viti i ri akademik/ Kushi uron studentët dhe pedagogët, thirrje për vaksinim


Të fundit

Shqipëria, Bullgaria dhe RMV nënshkruajnë memorandumin për Korridorin 8, Balluku: Do i shërbejë gjithë Ballkanit Perëndimor

Në Sofje të Bullgarisë u nënshkrua sot memorandumi trepalësh mes Shqipërisë, Bullgarisë dhe Maqedonisë së Veriut për sa i...

Martohet vajza e Bill Gates, shihni dasmën madhështore (Foto)

Jennifer Gates, vajza 25-vjeçare e Bill Gates dhe Melinda French Gates, u martua gjatë fundjavës me kalorësin Nayel Nassar. Dy ditë pas ceremonisë të...

Kushtetusja rikthen për shqyrtim zgjedhjet e 30 qershorit

Gjykata Kushtetuese ka rikthyer shqyrtimin e çështjes së zgjedhjeve të 30 qershorit. Seanca do të zhvillohet me datë 2 nëntor, në orën 10:00. VENDIMI "Në Gjykatën Kushtetuese...

“I kanë përmbushur kushtet”/ Varhelyi: Mos hapja e negociatave për Shqipërinë dhe Maqedoninë e Veriut dëmton BE-në

Komisioneri për Zgjerimin, Oliver Varhelyi ka deklaruar se Shqipëria dhe Maqedonia e Veriut i kanë përmbushur kushtet, mos hapja e negociatave dëmton BE-në. "Shqipëria dhe...

“Të hapen negociatat”/ Zbardhet progres-raporti i KE për Shqipërinë: Përparime me drejtësinë dhe reformat

Zbardhet progres-raporti për Shqipërinë, ku edhe në këtë raport KE rekomandon hapjen e negociatave për Shqipërinë, pasi i ka plotësuar kushtet. Në raport vlerësohet progresi...

Lajme të tjera

Web TV