Chelsea ka mposhtur 4-0 Juventusin duke i rrëmbyer vendin e parë në Grupin H.
Golat për skuadrën e Tuchel u realizuan nga Chalobah 25′, James 56′, Hudson-Odoi 58′ dhe Werner në minutën e 95’.
Ndërkohë, kur ka mbetur edhe një ndeshje nga fundi, Chelsea kryeson Grupin H me 12 pikë po aq sa ka dhe Juventus por Blutë golavarazh më të mirë.
Debutimi i Xavi Hernandez në Champions League ka rezultuar me një barazim 0-0 dhe me dy gola të anuluar. Barcelona nuk arrin të marrë 3 pikët dhe mban ende të hapur diskutimin për t’u kualifikuar pasi në ndeshjen e fundit do të duhet të përballet me Bayern Munich tashmë e kualifikuar si e para me 15 pikë të plota në 5 ndeshje…
Manchester United është kthyer te fitorja pas shkarkimit të Ole Gunnar Solskjaer. Djajtë e Kuq kanë mundur 2-0 Villarreal-in në Grupin F dhe janë kualifikuar në 1/8-at.
Ndeshja është zhbllokuar në minutën e 78-të. Ishte Cristiano Ronaldo që i ka dhuruar avantazhin anglezëve. Portugezi është bërë lojtari i parë në histori që shënon në pesë ndeshjet e para të një klubi anglez në një sezon të Kupës së Kampionëve/Champions League (duke përjashtuar fazën kualifikuese).
United ka siguruar tri pikët në minutën e 90-të, me golin e Jadon Sancho. Ky ka qenë goli i parë i anglezit për United që nga transferimi i tij në Old Trafford verën e kaluar për 85 milionë euro.
Fiton edhe Bayern Munich Bavarezët, që e kishin siguruar kualifikimin, kanë siguruar edhe vendin e parë në Grupin E falë fitores 2-1 në fushën e Dinamos së Kievit.
Leëandoëski (14′) dhe Coman (42′) kanë shënuar për gjermanët, ndërsa Garmash (70′) ka realizuar për ukrainasit.
Young Boys dhe Atalanta janë ndalur në një barazim spektakolar 3-3 me bergamaskët që u përmbysën në Zvicër, por barazuan në minutat e fundit të ndeshjes.
Në ndeshjet e tjera, Malmo u ndal në barazim 1-1 me Zenit, Sevilla mposhti 2-0 Ëolfsburgun ndërsa Lille triumfoi 1-0 ndaj Salzburg.