Ish-ministri i Mjedisit, Lefter Koka i cili u arrestua vetëm pak ditë më parë ka kërkuar lirimin nga burgu.
Mësohet se dy avokatët e tij, Fatmir Braka dhe Jualin Mërtiri kanë depozituar ditën e djeshme në Gjykatën e Apelit kërkesën e ish-ministrit të arrestuar për shpërdorim të postit, korrupsion dhe larje parash për një kontratë koncesioni për një incenerator në qytetin e Elbasanit. Në letrën e tij thuhet:
Më lironi, s’kam shkelur asnjë ligj, s’jam i rrezikshëm dhe nuk i shmangem hetimit dhe jam gati të bashkëpunoj me drejtësinë.
Koka, 57 vjeç, ishte ministër i mjedisit i Shqipërisë nga viti 2013 deri në vitin 2017. Koka shërbeu gjithashtu si ligjvënës dhe më parë si kryebashkiak i qytetit port perëndimor të Durrësit. Bizneset e tij janë sekuestruar përkohësisht. Koka rrezikon deri në 12 vjet burg nëse shpallet fajtor.
