Amerika bën gati listën e re “non grata”

113 563 lexime

124,178FansaPëlqeje

Koordinatori për Politikat e Sanksioneve i tha Komisionit të Senatit Amerikan se është gati lista e personave që janë identifikuar për korrupsion. Në këtë listë përfshihet edhe Ballkani Perëndimor.

James C. O’Brien i nominuar nga Presidenti Joe Biden si Koordinator për Politikat e Sanksioneve i tha Komisionit të Senatit Amerikan për Marrëdhëniet me Jashtë se administrata amerikane me nxitjen e Kongresit, ka investuar burime të konsiderueshme për të hartuar dhe zbatuar sanksionet anti-korrupsion. Ai ka deklaruar se administrata amerikane ka identifikuar njerëzit që do të jenë edhe në vijim shënjestër e sanksioneve dhe ato janë pjesë e strategjisë. Sipas O’Brien, ato janë mjete shumë të fuqishme dhe përdorimi ose kërcënimi nëpërmjet tyre është jashtëzakonisht efektiv në mbështetje të një strategjie koherente. Zyrtari amerikan theksoi se nëse konfirmohet, mezi pret që të punojë me zyrtarët përgjegjës për te zbatuar edhe mjete të tjera të politikës së jashtme dhe ekonomike.

“Çdo sanksion, sado i justifikuar mirë, duhet të mbështetet në analizën e alternativave, efekteve dhe mbështetjes nga partnerët tanë. Kjo kërkon që qëllimi i tij të kuptohet përtej qeverisë së SHBA-së, që ne të punojmë me qeveritë e tjera, që të realizohen objektivat e sanksioneve”, deklaroi O’Brien. Po kështu ai nëvizoi në fjalën e tij para senatit se Zyra e Koordinatorit të Sanksioneve do të kërkojë edhe bashkëpunimin e kolegëve në departamentin e shtetit dhe veçanërisht nga ambasadat amerikane. “E kam filluar karrierën time si avokat-këshilltar në Departamentin e Shtetit në vitin 1989 dhe isha krenar që t’i shërbej qeverisë amerikane dhe popullit amerikan deri në vitin 2001, kur përfundova detyrën si i dërguari presidencial për Ballkanin për tranzicionin demokratik në Serbi. Jam i nderuar që Presidenti Biden dhe Sekretari Blinken më kanë emëruar si koordinator për sanksionet. Unë e kuptoj se sa të rëndësishme janë për ne sanksionet. Unë e kuptoj se është e qenësishme që ne të përforcojmë politikën e sanksioneve për t’i zbatuar ato plotësisht. Administrata jonë ka identifikuar njerëzit që do të jenë edhe në vijim targeti i sanksioneve. Së pari sanksionet janë pjesë e strategjisë sonë”, tha ai. Sipas tij, ato janë mjete shumë të fuqishme dhe përdorimi ose kërcënimi nëpërmjet tyre është jashtëzakonisht efektiv në mbështetje të një strategjie koherente. “Në këtë drejtim administrata jonë me nxitjen e Kongresit, ka investuar burime të konsiderueshme për të hartuar dhe zbatuar sanksionet. Janë me qindra të zyrtarëve në Departamentin e Shtetit dhe të Thesarit, si dhe në agjenci të tjera, që promovojnë antikorrupsionin, të drejtat e njeriut, luftën kundër terrorizmit, kundër narkotikëve, si dhe mbrojtjen e parimeve të tjera thelbësore të politikës së jashtme të SHBA-ve”, tha ai. Ndër të tjera ai tha se është i përkushtuar për të bërë gjithçka që ne të ruajmë dhe rrisim efektivitetin e sanksioneve. “Nëse konfirmohem, mezi pres që të punoj me zyrtarët përgjegjës për te zbatuar edhe mjete të tjera të politikës sonë të jashtme dhe ekonomike. Çdo sanksion, sado i justifikuar mirë, duhet të mbështetet në analizën e alternativave, efekteve dhe mbështetjes nga partnerët tanë. Kjo kërkon që qëllimi i tij të kuptohet përtej qeverisë së SHBA-së, që ne të punojmë me qeveritë e tjera, që të realizohen objektivat e sanksioneve. Zyra e Koordinatorit të Sanksioneve nuk mund ta bëjë këtë vetëm dhe suksesi i zyrës do të kërkojë edhe bashkëpunimin e kolegëve në departamentin e shtetit dhe veçanërisht nga ambasadat tona. Ne duhet të bëjmë më shumë për të kuptuar efektivitetin e sanksioneve të SHBA-së pasojat e tyre të veçanta njerëzore. Sanksionet mund të shërbejnë për shumë qëllime, dhe ne duhet të dimë se çfarë është qëllimi ynë dhe nëse e kemi arritur atë. Ne gjithashtu duhet të punojmë për të shmangur shkaktimin e pasojave të padëshiruara”, tha ai. Ndër të tjera ai tha se: “Secili prej këtyre synimeve kërkon që qeveria e SHBA dhe partnerët tanë të angazhohen rregullisht me komunitetit të biznesit dhe me organet joqeveritare dhe gazetarët e pavarur. Këto grupe na ndihmojnë që të kuptojmë ndikimin e veprimeve tona nëpërmjet sanksioneve dhe ku ato mund të na ndihmojnë të arrijmë tonën synimet e politikës së jashtme. Nëse konfirmohem, mezi pres që të angazhohem me partnerët tanë globalë, bashkëpunimi i të cilëve i bën programet tona të sanksioneve më efektive. Do të punojmë ngushtë me misionet e SHBA-së jashtë vendit dhe zyrtarët që angazhojnë qeveritë e tjera.

Lexo edhe :  “Parajsa e pazbuluar e Evropës”/ Plazhet e Shqipërisë, si në Greqi dhe Kroaci

Së fundi, sanksionet janë vendimtare për luftën kundër korrupsionit. Administrata jonë ka paraqitur një strategji të fuqishme për këtë, dhe Sekretari Blinken do të emërojë një drejtues të lartë në rang koordinatori për antikorrupsionin. Nëse konfirmohem, mezi pres që të punoj me të për të evidentuar aktorët e korruptuar, netëorkun e tyre, rrjetet që i ndihmojnë ato. Gjithsesi duhet të jemi të kujdesshëm të mos ndëshkojmë pa prova dhe të lëndojmë te pafajshmit”.

 

Të fundit

Si mund ta rrisë turizmi prodhimin vendas?

Pavarësisht sfidave të shumta që sjell sezonaliteti, rritja me ritme të shpejta e sektorit të turizmit, ofron mundësi konkrete...

Asfalti nuk e përballon dot vapën/ Rruga çahet si letër në Missouri

Në shtetin amerikan të Missouri, temperaturat ekstreme të ditëve të fundit kanë shkaktuar një incident të pazakontë: asfalti në një rrugë është çarë papritur,...

Miti i kriminelëve shqiptarë si një alibi e Berishës për humbjen shkatërruese

Një nga alibitë kryesore me të cilat Berisha po përpiqet të justifikojë humbjen e tij shkatërruese të 11 Majit është ndërhyrja e krimit të...

“Jam i zhgënjyer me vlonjatët”/ Arben Malaj: Drejtorët pranuan fajësinë me dorëheqjet

Në  një studio televizive, Arben Malaj është shprehur i zhgënjyer me vendimin e drejtorëve të bashkisë së Vlorës për të dhënë dorëheqjen pas takimit...

Temu i “rrëmben” fronin ChatGPT-së, renditet si më i shkarkuari në Shqipëri

Trendet e botës teknologjike janë gjithmonë në lëvizje dhe kjo pasqyrohet edhe në Shqipëri. Ndryshimet e fundit në sjelljen e përdoruesve shfaqen qartë përmes...

Lajme të tjera

Web TV