Pasi protestuan që prej orës 11:00 përpara kryeministrisë, qytetarët në Tiranë janë shpërndarë.
Ata janë nisur për të marshuar në rrugët kryesore të kryeqytetit, teksa kanë paralajmëruar sërish protestë para kryeministrisë ditën e nesërme, po në orën 11:00.
Protestuesit kanë kërkuar vazhdimisht me thirrje lirimin e të arrestuarve në tre ditët e para të protestave masive që janë shtrirë në të gjithë Shqipërinë.
Aktualisht në kryeministri po vijon mbledhja e qeverisë ku po diskutohet edhe propozimi i protestuesve për të hequr taksën e naftës. Ndërkohë, bordi i administrimit njoftoi se për tre ditët në vazhdim çmimi i naftës do të jetë 217 lekë.
