Shkrimtari fitues i çmimit Nobel për Letërsinë, Gunter Grass, vdiq në moshën 87-vjeçare.
Günter Grass u lind më 16 tetor 1927 Gdanjsk, Poloni dhe vdiq në moshën 87-vjeçare, më 13 prill 2015 Lübeck, Gjermani. Ai ishte shkrimtar gjerman, i cili la gjurmë në letërsinë botërore duke qenë gjithashtu edhe fitues i Çmimit Nobel për Letërsi.
Njeri i së majtës, i njohur për pikëpamjet e tij kontraverse, Gunter Grass, fituesi i çmimit Nobel për Letërsinë në vitin 1999, ishte skrimtari gjerman i gjysmës së dytë të shekullit të XX i njohur më shumë jashtë vendit.
Që prej publikimit në vitin 1959 të kryeveprës së tij “Tamburi”, Gunter Grass nuk ka reshtur së përballur vendin e tij me të kaluarën naziste.
Grass ishte njëri prej përfaqësuesve të Grupit ’47, një lëvizje që kontribuoi në rilindjen e Gjermanisë pas epokës së errët të nazizmit.
Günter Grass ka shkruar drama, poezi e kryesisht romane, lista e veprave të tij është e gjatë. Romanet e njohura si “Vite qeni”, apo “anestezi lokale” janë disa prej tyre, ashtu si edhe “Shojëza”, “Miushja”, “Ogurzinjtë” e shumë të tjera. Në to gjithmonë trajtohen raportet e kthesat politike e shoqërore: si p.sh. roli i intelektualëve në kryengritjen e RDGJ-së më 1953, revolta studentore e vitit 1968, luftrat elektorale për zgjedhjet e parlamentare, çështjet e së ardhmes, politika Lindje-Perëndim, mbytja e anijes me refugjatë në Detin Baltik më 1945.
Ai ndërroi jetë në një klinikë të qytetit Lubek. Nobelist dhe shkelës tabushë, shkrimtari deri në vdekje mbeti një shpirt që prekte nervin e shoqërisë. Grass një qytetar i angazhuar, konsiderohej edhe si ‘instancë morale’, e ç’është më kryesorja një autor i madh.
