Merkatoja verore është në fazën e saj më të nxehtë dhe skuadrat janë në fazën përgatitore, ndërkohë që drejtuesit e klubeve luftojnë për të transferuar objektivet e tyre.
Titujt kryesorë për ditën e sotme janë:
“Juve në sulm për Bremer” është titulli kryesor i “Corriere dello Sport”. Ekipi bardhezi është futur në garë seriozisht për të transferuar mbrojtësin Brazilian të Torinos, duke ia rrëmbyer Interit.
“Tuttosport” ka shkruar “Bremer-Juve, mposhtet Inter?”
“PSG do një vit tjetër kontrat me Messin”, ky është titulli i prestigjozes “Marca”. Ekipi parizien do që të zgjasë kontratën me yllin argjentinas.
“Leao, thesar për Milan” është titulli i italianes “La Gazzetta dello Sport”. Ylli portugez konsiderohet si një lojtar i paprekshëm.
“AS”, gazeta spanjolle ka shkruar “Courtois i dëshiron të gjitha”, duke u fokusuar tek deklarata e portierit belg i cili u shpreh se do të konkuroj për të gjitha trofetë këtë vit.
“Përshëndetje Cules”, është titulli i katalanases “Mundo Deportivo” , pas arritjes së Raphinhas.
“Një driblues” shkruan “L’Esportiu” për transferimin e fundit të Barçës.