Një zjarr i madh ka përfshirë një pyll në Berlin pas një shpërthimi në një depo municionesh policore. Mediat e huaja bëjnë me dije se zjarrfikësit ndodhen në vendngjarje dhe po tentojnë të vënë situatën nën kontroll.
“Zjarri është përhapur në një sipërfaqe prej 15,000 metrash katrorë, fillimisht në një objekt të depozitimit dhe asgjësimit të municioneve dhe eksplozivëve të policisë dhe më pas në pyllin përreth”, kanë deklaruar autoritetet gjermane.
“Situata është kaotike, zjarri vazhdon të zgjerohet në mënyrë të pakontrolluar në pyll”, shpjegoi një zëdhënës për AFP.
