Probleme për Christophe Galtier. Trajneri i PSG-së nuk duket se ka marrë dritën jeshile nga ana e federatës franceze të futbollit.
FFF, në fakt, siç ka bërë të ditur e përditshmja L’Equipe, duket se nuk e ka aprovuar kontratën dyvjeçare të trajnerit të kampionëve të Francës.
Trajneri ka përfunduar në radarët e Komisionit të Federatës të trajnerëve, i mbledhur 28 korrikun e kaluar, dhe që ka vënë në dukje se si Galtier nuk ka përmbushur detyrimet e tij të formimit të vazhdueshëm. Kështu, 55-vjeçari do të duhet të marrë masat dhe të përditësojë diplomën e tij UEFA Pro. Si çdo trajner, Galtier do të duhej ta kishte rinovuar çdo tre vite.
Ka shumë mundësi që të shfrytëzojë një nga ndalesat e ardhshme të kampionateve për ndeshjet e kombëtareve, për ta korrigjuar gabimin. Në të njëjtën situatë ndodhet edhe Jerome Monier i Sochaux
