Shqipëria është kthyer në destinacionin e preferuar të të huajve për pushimet verore.
Mes qyteteve bregdetare, Durrësi dhe Golemi kanë patur aktivitetin më të lartë turistik këtë sezon veror krahasuar me plazhet e tjera, sipas Monitor.
Çdo vit, Durrësi është i pari në listë, sa i përket turistëve kosovar, por edhe nga Ballkani. Sakaq, këtë verë Shëngjini ka patur rënie në 70-75%. Vlora 75-80% e Saranda mbi 70%.
Si për rastësi, në një kohë kur Himara përmendet për vrasjen e 7-vjeçares Jonada Avdia, plazhi ka qenë më dobët, me një zënie të kapaciteteve prej 55-60%.
Turizmi shqiptar për këtë sezon po mbahet nga turistët e huaj teksa ata vendas e kanë bojkotuar unanimisht.
Çmimi ‘all inclusive’ që përfshin tre vakte dhe pije pa limit shkon në 65€ dita dhe është vështirë të gjesh dhoma të lira, shkruan Monitor.
30-50 lekë të reja është rritja që kanë pësuar pjatat në restorante. Ku sallata shkon 250 Lekë, rizotoja shkon në 500 Lekë, një picë 300-700 Lekë e mishi e peshku 800-900 Lekë.
Rrahman Kasa, kryetar i Unionit Turistik Shqiptar ka thënë për mediat se bregdeti Durrës- Kavajë ka një zënie të kapaciteteve hoteliere mbi 90%, ndërsa në vend të dytë renditet Velipoja.
