Mbi 8 muaj luftë dhe Putini duket se s’ka ndërmend të ndalojë në Ukrainë. Mirëpo, ka diçka që ai nuk e kontrollon dot që mund t’i ngadalësojë ritmin: Bora dhe balta.
Si është e mundur?
Me uljen e temperaturave, vijojnë valët e shiut të ftohtë, duke i kthyer rrugët dhe fushat në baltë. Më pas vjen akulli dhe bora, të cilat do ta ngurtësojnë tokën, por do ta bëjnë luftën edhe më të vështirë.
“Lufta tokësore është përgjithësisht shumë e vështirë. Lufta e Dimrit është një sfidë e dyfishtë. Nisja e një ofensive të madhe në minus 15 gradë do të jetë një sfidë për të dyja palët” – tha Nikola Bjelieskov, një studiues në Institutin Kombëtar për Studime Strategjike në Kiev.
Ukraina u bëri thirrje mbështetësve të saj perëndimorë që t’i siguronin asaj furnizime dimërore. Ushtria amerikane ka siguruar dhjetëra mijëra pajisje për motin e ftohtë, tha Pentagoni të premten, dhe mijëra artikuj po dërgohen nga Kanadaja, Bullgaria dhe anëtarë të tjerë të NATO-s. Posterat në Kiev dhe qytete të tjera të Ukrainës po u bëjnë thirrje banorëve të dhurojnë para për të “mbajtur ngrohtë forcat e armatosura”.
“Ka një fokus të madh në veshjet dimërore, pajisjet, gjeneratorët, tendat dhe të gjitha gjërat që janë jashtëzakonisht të rëndësishme për të mundësuar që forcat ukrainase të operojnë edhe gjatë dimrit”, tha Sekretari i Përgjithshëm i NATO-s, Jens Stoltenberg, pas takimeve të ministrave të mbrojtjes ku ata diskutuar në mbështetje të Ukrainës këtë muaj.
Zyrtarët perëndimorë thonë se forcat ukrainase ka të ngjarë të jenë më të pajisura se rusët, falë furnizimeve nga Perëndimi, dhe se ato janë më të motivuara. Por përparimi i Ukrainës ka të ngjarë të ngadalësohet nga kushtet e dimrit. Rusia, nga ana tjetër, ka një punë më të lehtë për të mbrojtur territorin e pushtuar më parë.
Kushtet më të vështira do të jenë në nëntor dhe në fillim të dhjetorit – periudha që rusët e quajnë “rasputica” – kur rrugët janë të mbuluara me baltë, pas së cilës balta do të kthehet në tokë të fortë dhe lëvizja do të jetë më e lehtë deri në rasputika e ardhshme para pranverës. .
Blogerët pro-Kremlinit kanë nisur fushata për mbledhjen e fondeve për veshje të ngrohta për burrat e mobilizuar rusë. Një bloger ushtarak, i cili mban pseudonimin Kotenok Z dhe shpesh përcjell pikëpamjet zyrtare të Kremlinit, tha se operacionet ushtarake ruse së shpejti do të pengohen ndjeshëm nga moti.
