Partia Demokratike, e udhëhequr nga ish-kryeministri Sali Berisha ka thirrur protestë më datë 12 nëntor, ora 16:00. Pak më parë Berisha ka publikuar edhe videon me sloganin e protestës, ndërsa fton qytetarët që t’i bashkohen këtij tubimi.
Në video është improvizuar një flamur kombëtar i vendosur në zyrën e kryeministrisë, i cili lyhet me ngjyrat e rilindjes, teksa shoqërohet me tituj të lajmeve të përditshme që kanë të bëjnë me largimin e shqiptarëve, arrestimin e ish-ministrit të Brendshëm apo 22 milionë eurot e shpenzuara për udhëtimet me avionë e charter luksozë.
“12 nëntor, ditën e shtunë, ora 16:00 , Tirana dhe mbarë Shqipëria në protestë para kryeministrisë”, shkruan Berisha krahas videos së postuar në Facebook.
