Presidenti gjerman Frank-Walter Steinmeier ka vizituar qytetin e Beratit ditën e sotme.
Me anë të një postimi në Facebook, ambasada gjermane shkruan se presidenti Steinmeier gjatë vizitës pati mundësinë që të njohë historinë dhe kulturën shqiptare.
Xhamia Mbret dhe Teqeja e Helvetive ishin ndalesa e parë në qendrën historike të qytetit. Më pas ata vizituan po ashtu edhe Kalanë e qytetit.
Postimi i Ambasadës Gjermane:
Në ditën e dytë të vizitës së tij zyrtare në Shqipëri, Presidenti Federal Steinmeier vizitoi sot qytetin e Beratit – pjesë e trashëgimisë botërore të UNESCO-s. Gjatë bisedave ndër të tjera me kryetarin e Bashkisë Ervin Demo, Presidenti Federal pati mundësinë të njohë nga afër historinë dhe kulturën shqiptare dhe të krijojë një përshtypje mbi shtrirjen e Bashkëpunimit gjermano-shqiptar për Zhvillim.