Në konferencë më kryeministrin e Bavarisë kreu i qeverisë nuk I shpëtoi interesit të medias, lidhur me revolucionin demokratik të shpallur nga Sali Berisha, e që zhvillohej vetëm pak metra larg godinës së kryeministrisë.
Rama përsëriti edhe një herë qëndrimin e tij se për çështje të brendshme, që mund të flasë shqip, nuk preferon ti ndajë ato në gjuhë të huaj.
“Një nga gjërat më të bukura që bëjnë gjermanët është se kur flasin në gjuhë të huaj ose në prani të të huajve nuk merren me njëri tjetrin. Kjo është një temë e brendshme. Kryeministri ka ardhur këtu për marrëdhëniet me Shqipërinë. Gjërat që ne flasim janë të interesit të përbashkët, se ç’ka këtu brenda mes nesh nuk i takon kësaj konference. E kam thënë gjithmonë në gjuhë të huaj dhe në prani të miqve të huaj nuk flas për probleme të brendshme që ne i trajtojmë shqip më njëri tjetrin. Se ca duhet të thotë pastaj kryeministri, vajta atje ato po ziheshin me njëri tjetrin. Ne jemi vend i lirë, demokratik, secili ka qasjen e vet për revolucionin, unë me kryeministrin folëm për revolucionin digjital opozita ka një tjetër revolucion ne mendje është e drejta e saj.”- u shpreh Rama.