Skavica zbuloi dy punëtorë të Rusisë

113 563 lexime

124,178FansaPëlqeje

Nga Frrok Çupi

Dhjetori i vitit 2022 i gjeti Sali Berishën dhe Ilir Metën duke luftuar egër kundër ndërtimit të hidrocentralit të Skavicës. Në Dhjetor të vitit 2012 kishin tundur këmbën, sa nga Kuvendi, në Qeveri dhe në ambasadën e Moskës, se ‘do ta ndërtojmë hidrocentralin’. ‘Abc News’ ka zbuluar para ‘syve të popullit’ dokumentacionin e atij viti, nxjerrë nga arkivat e ambasadës së Rusisë në Tiranë.

Letra e ambasadorit Abramov drejtuar Ministrisë së Energjetikës, zot i të cilës ishte Ilir Meta:

‘Duam tu vëmë në dijeni se punimet sipas premtimit të udhëheqjes së lartë të Shqipërisë, nuk po nisin akoma…’, kështu thuhej pak a shumë në kontekstin e  letrës së ambasadorit rus. Pas kësaj, diplomati rus, me një gjuhë që i shkonte atij dhe që tentonte të shpejtonte punët me Skavicën- sipas bisedës me kryeministrin Berisha- pala shqiptare ka premtuar dhe ka të bëjë me marrëveshje serioze dhe të pacenueshme me Rusinë. Jo pa qëllim, në letër renditen hapat e kryer mes shtetit rus dhe qeverisë shqiptare, të përfaqësuar nga Sali Berisha dhe Ilir Meta. E shkruara ‘zezë mbi të bardhë’, zbulon se Sali Berisha- si kryeministër- është takuar po atë vit, 2012, me presidentin e kompanisë shtetërore ruse të energjisë “Rus Hydro”, Evgeniy Dod, me të cilën ka rënë dakord që Rusia të ndërtojë Skavicën dhe një seri tjetër hidrocentralesh në Shqipëri. Kompania ‘RusHydro’  e kontrolluar nga shteti rus në një takim të mëparshëm   kishte marrë dakordësinë e kryeministrit Berisha për të hyrë në tregun shqiptar. Ambasadori rus në atë kohë i kërkon ministrit Edmond Haxhinasto të Metës që ti verë në dispozicion  dokumentacionin e duhur  në lidhje me zbatimin e projektit.

Por kohët ndryshuan; edhe fatet e vendit tonë ndryshuan duke mos mbetur më nën putrat e dy qeveritarëve më të korruptuar në kontinent, Sali Berisha dhe Ilir Meta. Edhe statusi i hidrocentralit të Skavicës ndryshoi: Ai tashmë nuk do të ndahej mes këtyre të dyve, por ky projekt i rëndësishëm për sistemin energjetik shqiptar do të ndërtohet, jo më nga Rusia, por nga Amerika. Punimet e kësaj vepre me rëndësi shumë të madhe, i ka marrë në dorë kompania me famë botërore amerikane Bechtel, përmes një kredie të butë prej 500 milionë dollarësh. ‘Historia’ e fundit e hidrocentralit të Skavicës, si një ekskavator, nxori nga thellësia dy agjentë të Rusisë në Shqipëri: Sali Berisha dhe Ilir Meta. Atëherë a ka nevojë të bëhet pyetja: Pse Berisha dhe Meta luftuan e luftojnë ‘me këmbë të kalit’ që të mos ndërtohet hidrocentrali i Skavicës nga kompania amerikane?. Edhe pse me luftën e tyre nuk mund të anulojnë punimet e hidrocentralit, këta e dinë se bëjnë ‘punën e dhënë’. Skavica i zbuloi nga thellësia si ‘punëtorë të Rusisë’. Sa për hidrocentralin, aq sa për punët e tjera në shërbim të shkatërrimit të vendit, këta janë punëtorë atje, në Moskë.

Lexo edhe :  Hipokrizia që bën qesharakë ata që mbrojnë Fredi Bejlerin!

Ndërsa pyetja e dytë: Pse po shfaqen kaq egër kundër pranisë amerikane në Shqipëri?, edhe kjo është e njohur. Por misterioz duket fakti pse këta mbledhin ca njerëz si ‘protestues’ dhe u vënë mbi kurriz ca shkrime të egra. Tabela ‘e revolucionit’ të tyre, në 11 shkurt, shkruante në anglisht: ‘Po tani kush është non- grata moj ‘bitch’?!’. Fjalën e rëndë e transferova në gjuhën që këta e shkruan, në shqip do të trondiste edhe ata që njohin vetëm gjuhën amtare. Kujt i drejtohen me këtë ‘titull’ mr. Berisha ose mr. Meta? Këta thonë se e kanë me ambasadoren amerikane, zonjën Yuri Kim. Pra, sidoqoftë, e kanë me Amerikën. Të tjerë mendojnë se me titullin ‘bitch’ i drejtohen direkt Amerikës, e cila kur prononcohet në shqip, tingëllon si emër femëror. Dy punëtorët e Rusisë po bëjnë punën e tyre; as mendojnë se mund ta zmbrapsin Amerikën, as mendojnë se ‘do të sjellin Rusinë’ në Skavicë. Por një gjë po e bëjnë me sukses: Financimet e marra nga Rusia po i justifikojnë me ‘punë’, edhe spiunimet e tjera po i fshehin. Edhe tensionin në vend, sipas këtyre, po e mbajnë gjallë deri ditën kur as këta nuk e dinë…

… Ja ku janë edhe disa arsye pse këta po luftojnë ‘me këmbë të kalit’ kundër interesave Perëndimore të Shqipërisë. Po nuk fituan gjë fare, atëherë nesër mund të mos gëzojnë këtë qetësi kaq të madhe; Rusia edhe i helmon mëzat dhe punëtorët e këqij.

 

Të fundit

Ngjela bën paralajmërimin e fortë: Do të dal në zgjedhje me partinë time

Një deklaratë befasuese është bërë sot në një program televiziv nga avokati Spartak Ngjela ku u shpreh se në...

VIDEO/ Inter triumfon ndaj Genoas, Kristjan Asllani gjen golin e parë me zikaltërit

Inter siguron fitoren e 12-të në 12-të ndeshje radhazi në të gjitha kompeticionet, ndërsa mori tri pikët në ndeshjen ndaj Genoa-s në “San Siro”. Sfida...

NATO nuk mund të ruajë Shqipërinë dhe Kosovën nga shqiptarët antiperëndimorë

Nga Mero Baze, Kur u ndërtua baza ushtarake e Kuçovës, që sot u bë bazë e NATO, qyteti quhej Qyteti “Stalin”. E ndërtuar një vit...

Fansi i Marilyn Monroe bën ‘çmendurinë e pazakontë’ pas vdekjes së ikonës së bukurisë

Një fans i vjetër e Marilyn Monroe po shpenzon mijëra paratë e tij për të bërë fushatë për Akademinë për t’i ofruar asaj një...

Hapja e bazës ajrore të NATO-s në Shqipëri merr vëmendjen e Reuters dhe Associated Press

Hapja e bazës ajrore të NATO-s ditën e sotme në Kuçovë ka marrë vëmendjen e mediave më të mëdha ndërkombëtare Reuters dhe Associated Press. Fakti që kjo bazë...

Lajme të tjera

Web TV