Kremlini e ka marrë me qetësi me vendimin e Gjykatës Ndërkombëtare Penale për të lëshuar një urdhër arresti për presidentin rus Vladimir Putin, tha përfaqësuesi i shtypit Dmitry Peskov.
“Asgjë e mirë dhe thelbësore nuk do të vijë prej saj,” tha Peskov, duke shtuar se presidenti rus vazhdon të punojë me qetësi.
“Po e marrim me qetësi, duke dokumentuar gjithçka me kujdes dhe duke vazhduar punën. Presidenti vazhdon të punojë, kjo është gjëja më e rëndësishme”, tha Peskov kur u pyet se si reagoi Putin ndaj vendimit të Gjykatës.
Gjykata Ndërkombëtare Penale, juridiksionin e së cilës Rusia nuk e njeh, më 17 mars lëshoi një urdhër arresti për Putinin dhe komisioneren e fëmijëve Maria Lvova-Belova.
Gjykatësit vendosën se ata janë “përgjegjës për një krim lufte”, që, sipas ICC-së, është dëbimi i paligjshëm i fëmijëve nga territori i Ukrainës që nga 24 shkurti i vitit të kaluar.
Ndërkohë, Bashkimi Europian mbështeti vendimin e Gjykatës Ndërkombëtare Penale për të lëshuar një urdhër arresti për Putinin.
