Ish-kryedemorkati Lulzim Basha ka deklaruar se videoja e publikuara një ditë më parë “është një montazh qesharak”. Në një reagim të shkurtër, Basha është shprehur se kjo video është bërë me qëllim për t’i fryrë përçarjes së demokratëve, e që sipas tij i bëjnë nder vetëm kryeministrit Edi Rama.
“Montazhet qesharake, shpifjet dhe trillimet që bëhen për t’i fryrë përçarjes së demokratëve janë shërbimi më i mirë për Ramën. Nuk mbahen dot me sajesat e minutës së fundit, gënjeshtrat e dala boje para gjithë botës”, shkruan Basha.
Një ditë më parë u publikua një video ku pretendohet se Basha dhe Balla kanë zhvilluar një takim në një apartament në Tiranë e sipas tyre përkon me kohën kur ka qenë në gjyq çështja e vulës së Partisë Demokratike.
